Asina lo fixeron esta mañana la nuesa Coordinadora Autonómica, Sofía Castañón, la nuesa diputada na Xunta Xeneral Nuria Rodríguez y la nuesa Responsable de Servicios Públicos, Tamara Schulz, tres l’alcuentru que caltuvieron con representantes de la Federación d’Enseñanza de CC.OO. y de SUATEA. Un alcuentru nel que tamién analizaron el procedimientu express qu’habilitó la Conseyería d’Educación pa cubrir les baxes por COVID.
- Ye necesariu poner en marcha la especialidá docente de Llingua Asturiana.
- Va unos meses aprobóse una proposición non de llei presentada por Xuníes Podemos nel Congresu, na que se pidía que se modificar el Real Decretu d’Especialidaes pa dar cabida a la de Asturianu.
- El siguiente cursu nun puede empezar ensin tener correxida esta fonda desigualdá que discrimina al profesoráu de asturianu, unes 400 persones.
- L’alministración tendría d’habilitar en procedimientu electrónicu y actualizar la información de manera diaria pa que tou’l profesoráu de la bolsa d’interinos ya interines pueda tener accesu a la mesma a la hora de tomar les sos decisiones llaborales.
