El diputáu de la formación considera que l’asturianu y el gallego-asturiano “tienen que formar parte del procesu de reconstrucción social y económicu” d’Asturies
El diputáu de Podemos Asturies, Rafael Palacios, pidi na xornada previa a la celebración Día de les Lletres asturianes que “la nueva normalidá tien que ser la oficialidá”. Y, nesa llinia alvierte que “volver al estáu anterior, ye volver a un estáu d’anormalidá onde les llingües d’Asturies son les úniques del Estáu español que nun tienen reconocimientu oficial”. Con eses palabres, el representante moráu considera que l’asturianu y el gallego-asturiano tiene que “formar parte del procesu de reconstrucción social y económicu” d’Asturies.
Palacios manifiesta l’asturianu y el gallego-asturiano, como llingües propies d’Asturies, “tienen que tener, unto col castellano, el calter de llingües oficiales. Pal diputáu de Podemos Asturies “tenemos de garantizar el derechu a conoceles y a usales. De la mesma manera, ninguna persona pue ser discrimianda n’Asturies pola llingua que libremente escueya pa comunicase”. Por esti motivo, Palacios propón “abrir” na Xunta Xeneral el debate de la reforma del Estatutu d’Autonomía pa declarar la oficialidá porque “ ye, amás, una obligación democrática”.
Esti vienres 8 de mayu diba celebráse’l Día de les Lletres Asturianes, nesi sentíu’l representante moráu anima a la ciudadanía a participar y sofitar la campaña de la Xunta pola Defensa de la Llingua pa enllenar les redes sociales col hastag #oficialidá esti vienres dende les 19 hores. “ Dende Podemos Asturies convocamos a toles persones comprometíes col futuru d’Asturies a participar nesta iniciativa”, finaliza.
