Iván G. Fernández

Podemos Asturies rexistró una pregunta pa saber qué protocolos d’actuación tien previstos l’Executivu n’espacios d’ociu

El Grupu Parlamentariu de Podemos Asturies rexistró na Xunta Xeneral una pregunta dirixida al Gobiernu asturianu pa saber «qué midíes s’inclúin nos protocolos d’actuación d’emerxencies pa la prevención y actuación delantre d’agresiones sexistes nos espacios d’ociu y, n’especial, de cara a los grandes acontecimientos previstos esti branu n’Asturies». Lorena Gil esplica qu’esa interpelación respuende a «la esmolición reflexada polos colectivos feministes y poles muyeres nel so conxuntu» y añade que «pidimos conocer con qué recursos cuenta’l Gobiernu y cómo se van coordinar les diferentes alministraciones pa evitar agresiones sexistes nesos espacios».

La parlamentaria de la formación morada señala que «entendemos que la esmolición ye compartida por toes y toos, tamién pol Gobiernu del Principáu y polos ayuntamientos, pero esta inquietú se tien que traducir na disposición de los recursos afayadizos y de los mecanismos d’actuación que garanticen una respuesta eficiente delantre de les agresiones machistes».