La eurodiputada de Podemos afirma que la estabilidá que defende’l Gobiernu de la FSA «ye la de los campusantos de les nueses embarcaciones»

La eurodiputada de Podemos, Estefanía Torres, alvierte de que, colos datos apurríos pol Ministeriu d’Agricultura, Alimentación y Mediu Ambiente, la flota asturiana perdió’l 20% de la so capacidá nos últimos diez años y que les embarcaciones pequeñes son les más tán desapaeciendo. «La flota que se destrúi n’Asturies ye l’artesanal. La continua repartida de miseria por unes cuotes que son inxustes, económica y socialmente, amás de medioambientalmente insostenibles, empòbinen a los nuesos pescadores a tener que dexar el so oficiu», remarca.

La europarllamentaria pixueta denuncia que’l Gobiernu asturianu «tampoco pon fácil la supervivencia de los oficios de la mar. Non puede presumise de la destrucción de la flota artesanal y dicir qu’eso ye estabilidá. Seique la estabilidá que defenden el director xeneral de Pesca, Alberto Vizcaín, y l’Executivu que preside Javier Fernández ye la de los campusantos de les nueses embarcaciones». Estefanía Torres dexa claro que nun se puede señalar namái qu’a la Unión Europea como la responsable de les polítiques dañibles pa la pesca, una y bones «quien conocemos el sector sabemos bien que puede faese muncho más de lo que se fai: facilitar que toles asociaciones tengan voz, esixir el cumplimientu del artículu 17 de la política pesquera común, torgar que la pesca sía otru chiringu más de compraventa de favores…».

Señaló tamién que «ye curioso que sía dende la redolada del PSOE dende onde quiera sacase pechu a la xestión pesquera, cuando precisamente les puertes xiratories’ escontra Nueva Pescanova, por casu, beneficiaron a Elena Salgado, ex ministra del Gobiernu de José Luis Rodríguez Zapatero. Cuando son, amás, empreses como Nueva Pescanova les qu’espulsen a la nuesa xente de la mar».