Enrique López anunció que Podemos Asturies va llevar al plenu del Parlamentu asturianu d’esti xueves una pregunta urxente col propósitu de que’l Gobiernu de Javier Fernández esplique «qué ye lo que ta faciendo pa controlar el funcionamientu y el respetu a las lleis por parte de la empresa Glovo, que s’instaló va poco n’Asturies y que, a semeyanza d’otres ya condenaes nos tribunales, practica una política llaboral que vulnera la llexislación vixente, encubriendo como falsos autónomos a trabayadores moces y mozos esplotaos con unes condiciones que nun respeten los mínimos que se pueden esixir a cualquier trabayu dignu».
El portavoz parlamentariu del partíu moráu señala, poniendo como exemplu la mentada empresa de mensaxería, que «el Gobiernu ha d’impedir qu’esti sistema de esplotación xuvenil de mano d’obra s’asiente n’Asturies, ha d’esixir a les empreses que cumplan la normativa llaboral». Por ello, diz, «vamos pidi-y al Executivu que nos dea una respuesta clara».
