Diez de les trece secretaríes locales de Podemos Asturies correspuenden a muyeres

Jara Cosculluela, coportavoz d’Organización de Podemos Asturies, manifestó esti miércoles, minutos enantes de qu’empezara la reunión del Conseyu Territorial autonómicu, que «güei vamos reunir por primer vez a esti órganu dempués de tolos procesos internos que fuimos pesllando nesta primer tanda pa definir la estratexa con vistes a ganar los municipios nes elecciones de mayu de 2019». Resaltó asinamesmo que nel Conseyu Territorial «tenemos una presencia fundamental de muyeres, porque ún de los planteamientos de la secretaría d’Organización d’Asturies ye favorecer la presencia de muyeres a traviés de coportavocíes; ye dicir, cada cargu de secretaría xeneral ha de tar compuestu como mínimo por una muyer». Informó amás de que «de 13 procesos abiertos, tenemos 10 muyeres al frente de secretaríes municipales».