Andrés Fernández Vilanova rexistró esti miércoles na Xunta Xeneral una pregunta urxente dirixida al Gobiernu asturianu pa saber si’l Serviciu de Salú del Principáu (Sespa) «tien la previsión de mantener les dos places de Pediatría del Centru de Salú de Llaviana y, si ye asina, qué ta faciendo pa sustituir la baxa actual d’una de ellas». El diputáu portavoz de temes de salú del Grupu Parlamentariu de Podemos Asturies señala que «la baxa prolongada d’una de les dos places condiciona una saturación de la plaza n’activo difícilmente sostenible nel tiempu. Dada la preocupación de les families, faise necesaria una esplicación pública de la Conseyería a la mayor brevedá sobre esta cuestión».

Pola so parte, Miguel González, conceyal de Somos Llaviana, afirma que «yá llevamos unos meses ensin el segundu pediatra. Comunicóse al equipu de gobiernu local, reuniéronse cola Consejería y cola dirección del Centru de Salú y la información que se nos dio ye la primer incorporación que hubiera de Pediatría diba ser pa equí».