«Teniendo en cuenta la evidencia de que circular pola AS-15 de nueite durante los últimos tres meses yera un verdaderu peligru, ta claro que la empresa axudicataria de la reparación del Corredor del Narcea taba incumpliendo ya la Conseyería miraba pa outra parte», sostién Andrés Fernández Vilanova. El diputáu de Podemos Asturies pela circunscripción occidental afirma que «cuando-y lo planteamos, Fernando Lastra pasóu de negar la mayor a encolerizar ya maldicinos por recorda-y que la contrata en cuestión yera una empresa sobre la cual había abonda información de relaciones privilexadas con cargos que-y precedieron, ya relación con escándalos como’l casu Marea».

Podemos Asturies yá alvirtiera al conseyeru d’Infraestructures sobre la empresa axudicataria de les obres del Corredor del Narcea

El parlamentariu recuerda que la formación morada yá alvirtiera al conseyeru d’Infraestructures de que l’axudicataria «taba incumpliendo’l contratu. En concretu l’artículu 15.7 del pliegu señala que la empresa ye la que tien qu’asumir la señalización provisional, garantizando entre outras cousas la visibilidá nocturna. Tamién diz que el coste d’esa señalización vien contempláu nel cómputu global del proyectu».

Con too, conclúi Andrés Vilanova, «a pesar de los improperios del conseyeiru, ya de que nun reconociera públicamente l’error, alegrámonos de que la nuesa interpelación tuviera efectu ya de que por fin nel Suroccidente empecemos a tener unas mínimas condiciones nas nuesas comunicaciones. Agora toca esperar qu’acabe la execución ya sigan reparando los tramos que faltan, pa lo que vamos continuar esixendo la máxima dilixencia».