El portavoz parlamentariu, Rafael Palacios, y la coordinadora autonómica, Sofía Castañón, evidenciaren esti llunes les dificultaes esistentes pa seguir alantre cola reforma del Estatutu d’Autonomía como consecuencia de la insistencia d’introducir les sos propuestes fiscales “nun marcu de negociación que nun-y correspuende”.
Asina lo manifestaron los representantes de Podemos Asturies tres de salir del alcuentru manteníu con la FSA, IX y Foro.
Nesi sentíu, esplicaren que tres grupos parlamentarios, que representen a 26 diputaos, foron quien a falar de la reforma del Estatutu d’Autonomía y de la oficialidá del asturianu y del gallegu-asturianu y “otru grupu, con un diputáu, foi falar d’impuestos”. Por esti motivu “ye imposible avanzar cuando se falen de coses distintes”.
Sicasí, Palacios y Castañón, pidieron-y a Pumares que “recapacite” porque la sociedá asturiana “nun puede perder la oportunidá histórica de facer oficiales les llingues propies d’Asturies”. Amás, los representantes moraos aseguraren que “vamos tener el teléfono prendíu 24 hores por Pumares a la fin recapacita”.
Pa Podemos Asturies, l’espaciu de la negociación sobre fiscalidá “nun ye’l de la negociación de la reforma del Esatutu d’Autonomía. Tenemos claro que’l momentu de la oficialidá de les nuestres llingües ye agora”.
